Prime minister Elijah Ngurare okwa shilipaleke kutya kehe omukunda oguna oku kala guna omeya ga yela

Ominista onkuluntu Eliyah Ngurare okwa shilipaleke aantu moshitopolwa Zambezi kutya epangelo otali tsikile oku shilipaleka kutya kehe omukunda oguna oboola yomeya gokunwa,gelongo lyiikulya nogiimuna.

Ta popi koshiindingili shokomumvo sho Lusata Cultural Festival of the Mafwe Traditional Authority komukunda Chinchimani ohela,Ngurare okwa dhenge omuthindo kutya kehe oboola ya fulwa kepangelo oyili eliko lyepangelo ,inaashi tala kutya oya fulwa pevi lyalye,

Sha hala kutya uuna oshigwana sha pumbwa omeya goku nwa nena oboola itayi ngambekwa.

Ngurare ta shilipaleke aaleli yopamithigululwakalo dha yooloka moshitopolwa kutya otaya tsikile okushilipaleka kutya kutya kehe omukunda oguna oboola.

Kakele komeya ga yela,o Nampa oya lopota kutya Ngurare okwati wo oshigwana osha pumbwa wo uuyogoki,elongo,omandiki guuhaku gena omiti adhihe dha pumbiwa kaa Namibia,omagumbo,oondjila,eyambulepo lyokuushayi,uuyamba,ombili negungumano ,enkondopeko nomudhingoloko ngoka tagu vulitha ya dhimbulule okuvula kwawo pakuudha.