O Bank of Namibia oyeetapo iimaliwa yomafo niikukutu ya ningilwa omalunduluko  ko Malinda ohela

Ngoloneya gombaanga Johaness Qawaxab okwa hokololo epititho lyiimaliwa onga ompito yetsikilo neshunepo lyolweendo lopashimaliwa loshilongo.

Iimaliwa ya pitithwa ya ningilwa omalundululo oya landula iimaliwa ya yooloka ya tamekithwa komupresitend Netumbo Nandi Ndaitwah mu  July nuumvo onga oshitopolwa shetyapulo lyo Bank of Namibia lyomimvo 35 kohi yehuku:‘Our Currency, Our Heritage, Our Pride – Meet the Next Generation of the Namibian Dollar’.

Ngoloneya tati iimaliwa iikukutu okwali yeetwapo lotango omimvo dha konda po 30.

Uukwatya tawu adhika kiimaliwa ya ningilwa omalunduluko owa kalelapo iikondo ya simana:Shuunamapya,hoka koo cent 10 kuna oshilya shEhangu,oshikondo shoku nduluka niikwankondo yopaunshitwe koo cent 25,omapashiyono kuna o Sossusvlei no Deadvlei  koo cent 50,oshikondo shoku landitha iilongomwa nomayakulo kaayakulwa, koshimaliwa shodola yimwe,omanga koodola 5 dha kalelapo oshikondo shoomina,nokuna uuwe wa polishwa naamboka inaawu polishwa.

Okuza nena ,iimaliwa mbyoka iikukutu noyomafo otayi tameke okuya momalandithilo koombaanga oshowo kuushina wiimaliwa .