China tapula opo kuhangwe ombili mo DRC

Osheendo shova nambelewa va  China onghela osha pula opo ku kale kwa xulifwapo oita no makuyungutu mo  (DRC).

Onghalo yoku hena eameno ota kulopotwa ya lundalala moushilo wa DRC,  oyo ya etififa  oshiwana shikale tashi twikile noku mona oixuna.

Sun Lei, eli omukalelipo wosheendo sha China, mehangano loiwana yahangana,  okwati oilyolongo yopaiwana naitale komakandulepo omukundu ku yandjwe omakwafo koshiwana sha DRC eemillion osho tashi mono oixuna moushilo wa DRC,  nokwa pula ku tulwepo eenghendabala dombili tadi kalelele.

Ota kulopotwa ongudu yee (M23) taitwikile noku fininika oku kwatako oitopolwa needoropa da yooloka moushilo wa DRC, onghalo oyo ya twaalelelifa eemwenyo doshiwana omafele nomayovi omanga vahapu va fininikwa oku tembukamo meenele davo.