Joseph Kabila apewa ehandukilo lefyo

Omangu yo pakwaita mo DRC,  oya yandja etokolo  le handukilo lefyo kwao ali nale omupresident woshilongo Joseph Kabila.

Pefimbo ehandukilo la yandjwa ota kulopotwa kutya Kabila momangu kalimo.

Eelopota do ikundaneki odati omangu yo pombada yo pakwaita mo  Kinshasa, oya popya kutya Kabila,  okuna ondjo momatamaneko enasha nekengelelo, ominyonena dopaita, oukulo oshoyo oku kwafela noku longela kumwe nongudu yee rebels do M23.

Omangu pefimbo taiyandje elombwelo oya pula yoo opo Kabila akale afuta oshimaliwa shee  $29 billion,  shinasha no manyonauno oo aetififwa mo  Congo, oshoyo natango oshimaliwa shee  $2 billion,   shikale sha futwa mouwa woshitopolwa sha North Kivu,  omanga  $2 billion ota shifutwa mouwa wo shitopolwa sha South Kivu.

Omangu oya yandja yoo elombwelo opo Kabila, akale atulwa moipandeko meendelelo ngaashi tashi dulika.

Kabila, oo akala iha holoka komangu okudja mu July 2025,  no inakushiivika kutya okuli peni,  ota pewa oushima woku yambidida eenghendabala doukulo moshilongo.

Epangelo la DRC ota lipopi kutya,   Kabila okwa longela kumwe nongudu yee rebels do M23, oyo taituwa epepe ku Rwanda, ee  rebels odo takulopotwa da kwatako oilando  yakula youshilo wa Congo.

Kabila okwa kwatela komesho oshilongo DRC okudja   2001 to 2019.