Omuleli goshikonga sho AR Job Amupanda ota pula uukwaveta wo National Youth Fund,sho ati omahangano gamwe ngoka ga pewa eyambidhidho oga shangithwa konima yesiku lyahugunina lyoku ninga omaindilo

Omuleli goshikonga sho AR Job Amupanda okwa pula uukwwaveta wo Youth Development Fund ohela,tati omahangano gamwe ngoka ga hogololwamo kagali sha shangithwa nawa ,sho oopololeka dhoka dha pewa oodoola oomilion 14 dha tseyithwa oshiwike shika.

Amupanda megumbo lyopashigwana okwati omanga oshikonga shawo tashi yambidhidha osheetwapo shoku nkondopeka aagundjuka,omapulo guuyuki nuundikuwetikile oga holoka.

Tati ehangano limwe lya ninga eindilo olya shangithwa mo 18 Sept,iiwike iyali konima sho esiku lyehuginina lyomaindilo lya pata mu 04 Sep,noku holola omaipulo kombinga yokwaahalonga nuuuyuki.

O Nampa oya lopota kutya Amupanda okwati wo aaningi yamwe yomaindilo inaya shangithwa no BIPA,noku pula ngele oshikumungu shoku hogololamo omahangano osha nwethwamo kopolitika nenge kekwatathano lyopambepo.

Peha lye prime minister Eliyah Ngurare ngoka a tamekitha oshiketha omandaaha ko Gobabis okwati ngele ehangano olya shangithwa konima yesiku lyahugunina lyoku ninga omaindilo, nena oshinima shoka oshina oku konakonwa.

Ngurare okwati tseyitha oshimaliwa shoshiluku shotango shopololeka shoodola oomilion 14 koongeshefa 42 dhaagundjuka sigo opoomvula 35 miitopolwa ayihe 14 yoshilongo.