Okapale komaudhano ka Sam Nujoma otaka tameke oku opalekwa noku tulwa pamuthika

Muni gwa Windhoek okwa gandja okapale komaudhano ko Sam Nujoma kehangano lyo New Success Investment ndyoka lya pewa oshinakugwanithwa shoku opaleka okapale.

Oku opaleka okapale,kongushu yoodola oomilion 13 okwa tegelelwa ku kwate omumvo gumwe.

Omukuluntu gwiikunino mu Muni Uaka Kazombiaze okwa fatulula kutya iilonga otayi ka tala noku yambulapo egameno oshowo iinima yilwe.

Nenawapaleko ndika okwa tegelelwa lyeete okapale pandondo yo CAF nenge yo FIFA.

O Nampa oya lopota kutya amushangandjayi gopakathimbo go NFA Cassius Moetie okwa tumbaleke opolokela,tati oyili onkatu ya simana ndjoka tayi ka pitika Namibia uunganeke natango uudhano wetanga lyokoompandi wopamuthika gopashigwana moshilongo.

Operations Manager go New Success Investment Homateni Kapewangolo okwati opololeka otayika etapo iilonga yopakathimbo ya thika 60.

Tati wo oyiitulamo oku simaneka ethimbo ndyoka ya pewa lyomumvo gumwe  ya kale ya mana opololeka.