Aantu 400 oya hulitha komanyutu mo Gaza nuumvo-WHO

 

Ehangano lyuundjolowele muuyuni olya lopota kutya aantu ya konda 400 mo Gaza oya hulitha komanyutu nuumvo,mwa kwatelwa aanona 101,no 80 yeli koni yoomvula 5.

Dr Rana Sabu Zaatir moshipangelo Al Awda okwati oshikele osha  taandela noku pitilila paanona.

Tati aavu aakuluntu yena oomvula 12 nayo otayeya nomanyutu oshowo omatompakano gopaundjolowele.

Aanona yeli poomwedhi mbali nayo oya gumwa.

Onzonkundana yo Africa news oya lopota kutya omandiki ashike geli gane ogo haag ungaunga nomanyutu mo Gaza.

Onooli ya Gaza oya tetwako komakwatho giikulya uule wiiwike,noku etitha ompumbwe yiikulya yomanyutu.

Nomu Dr Zaatir okwa londodha kutya ngele uutagulukilo owa thigala wa pata  ,noondando dhiikulya tadhi tsikile oku londa,nena oya taalela oshikele oshinene.

Nena ehangano lyo WFP olyati epitiliko lyomakwatho mo Gaza otali nawapala ,ashike olya dhenge omuthindo kutya oshitopolwa shomonooli nashi egululwe.

Ehangano taliindiile iikolokosha yi kodhepo,oku pitika iikulya oyindji yiye moshikandjo,okwaadha mboka ya gumwa unene.

Aanongo yIigwana ya hangana oya tothamo nale aantu ya thika 500 000 moshilando Gaza ya taalela ondjala.