Namibia ota kwatele komesho oshongalele oshi 2 sho BNC

Namibia ota kwatele komesho oshongalele oshi 2 sho commisi yelongelokumwe yo pashiwana pokati ka Botswana–Namibia.

Oshongalele osho tashi ningilwa mo Windhoek (BNC) ota shihovele nena 6–10 October.

Olopota ya pitifwa mombelewa yomupresident oya ulika kutya,  okudja nena fiyo 08 October,  oshongalele ota shikakufwa ombinga kovanambelewa vopombada, omanga mo 09 October, ta shika kufwa ombinga kee minister nomo 10 October, oshongalele ota shika kalwa komutwe woshilongo Dr. Netumbo Nandi-Ndaitwah,  onga omunashipundi  opamwe no president wa Botswana’ Duma Gideon Boko.

Oshongalele sho BNC, osha totelwepo oshikando shotete mo 2021, shatalika onga omito yafimana yelongelokumwe noku kwatelamo oikundafanwa ya yooloka ngaashi  diplomacy, eliko, eameno nelongelokumwe loshiwana.

Oshongalele shoneudo osha talika tashi katalulula keenghendabala odo da hangikapo fiyo opapa, noku kundafana yoo kombinga yoipambele yelongelokumwe pokati koilyolongo.

Oshongalele osha landula eshi omupresident Netumbo  Nandi-Ndaitwah, mu May 2025, ali aka talelapo ko Botswana,  na mbushe waye moilonga vali veshidimina opo vatulepo eendelelifo lelongelokumwe langhonopala meeprojeka da yooloka mouwa woilyolongo.