Oshikele shopapolitika oshiindjipalamo France ,sho prime minister Sebastien Lecornu nepangelo lye yazi miilonga nena

Omanga mo France ,oshikele shopapolitika shiindjipala ,sho prime minister Sebastien Lecornu nepangelo lye yazi miilonga nena,konima yoowili sho a holola o cabinet okape.

Lecornu ngoka a lela ashike omasiku 27 okwati ita vulu oku kwatela komeho shoka ati oonkalo dhopapolitika itaadhi vulika.

Epangelo lye olya kwata ashike oowili 14,epangelo efupi mondjokonona ya France.

O Reuters oyati   Lecornu okwa gandja ombedhi koompilameno,omolwa okwaahena ohokwe oku longela kumwe,noku gandja ombedhi kaanapolitika oku tula pombanda omalalakano gopaumwene,peha lyoku tula omeho omalalakano gopashigwana.

France okwa kala a taalelela okwaahena engungumano lyopapolitika okuza sho Macron a shuna koshipundi mo 2022,sho pwaana ongundu yina ipundi oyindji mopaalamende.

Okabinet okape ka Lecornu, taka lalakanene oku thitika omatopoko,oka geyeke ookume naamboka yeli ompinge,taati okeegamena unene kombinga yimwe nenge onkwawo.

Noo prime minister 3 dhaza miilonga methimbo lili meni lyomumvo 1,omupresident Macron okwa taalela ngaashingeyi ethindakano opo iithane omahogololo gopaalamende meendelelo,sho France a taalela oshikele shopapolitika neliko lyaahena omutalelo.