Peter Mutharika okwa langekwa olyomakaya onga omupresident omupe gwa Malawi

Mo Malawi,omupresitend Peter Mutharika okwa langekwa olyomakaya moshikako she oshipe,nokuuvaneka ta tungulula eliko,ta kondjitha okwaahalonga nuuyuki,noku shunapo einekelo mepangelo.

Mutharika okwayi mombelewa pethimbo oshilongo sha taalela ompumbwe yiikulya,oondando dhili pombanda oshowo oshilongo shaahena oshimaliwa shopondje.

Oshilongo onkee tashi polo koshikungulu sha holokele mo 2023,oshowo oshikukuta shomumvo gwa piti,shoka sha yonagula iimeno.

Moshipopiwa she Mutharika okwa zimine uunene woshikele,nokwiindiile aakalimo yiilongekidhile omaundululo.

Tati epangelo lye otali ka longa nuudhigingini,noku hulithapo elongitho pamambo lyiimaliwa yepangelo.