Uushina wiimaliwa wo FNB pakathimbo itau taamba iimaliwa iipe yomafo ya pitithwa ko bank of Namibia uuna to deposit pondje

O First Rand Namibia oya tseyithile aayakulwa yawo kutya uushina wiimaliwa wo FNB itawu vulu oku taamba iimaliwa yomafo mbyoka opo yetwapo ko Bank of Namibia ,uuna tayi tulwa muushina-deposit.

Ombaanga oya fatulula kutya omanga uushina tau gandja oshimaliwa,onkee wa pumbwa o system yi lundululwe oku dhimbulula noku longamo iimaliwa iipe yomafo.

Omukuluntu gomakwatathano mo FNB Kirsty Watermeyer okwati ngele tashiya koku tula iimaliwa keyalulilo-deposit,kehe oshimaliwa shefo osha pumbwa oku leshwa kokashina-ATM,naashoka osho nee o system ya pumbwa oku lundululwa opo uushina wu leshe iimaliwa mbika iipe,naashoka okwati otashi ka ningwa methimbo efupi.

Pakathimbo okwati,aayakulwa naya longithe omikalo dhawo odhindji dhoka dhishi okwiinekelwa dho Cash Plus moshilongo ashihe oku doposit iimaliwa yawo nenge yaye kiitayi mbaanga yawo yaka yambidhidhwe noku doposit ,omanga taya longekidha uushina wawo wu vule oku lesha iimaliwa iipe.