Aalongiskola 36 oya kuthwamo momusholondondo go  South African Council for Educators momumvo shimaliwa go 2022-2023 omolwa omaihumbato inaaga opala,ogendji ga kwatelamo omapogolo gopaihulo ga ningilwa aalongwa

Mo South Africa…aalongiskola 36 oya kuthwamo momusholondondo go  South African Council for Educators momumvo shimaliwa go 2022-2023 omolwa omaihumbato inaaga opala,ogendji ga kwatelamo omapogolo gopaihulo ga ningilwa aalongwa.

O News24 oya lopota kutya okuza maalongiskola mboka 36 ,ya yoooloka oya monika ondjo yekwatonkonga,okuya mekwatathano lyopahole naalongwa,okupa aalongwa omategelelo,nenge oku hepeka paihulo aalongwa.

Omwaalu ogwa kalelapo eindjipalo okuza momumvo gwa tetekele,moka aalongiskola 19 kwali ya kuthwamo molutu kondololi lwaalongiskola omolwa omaihumbato inaaga opala ga faathana.

Oku kuthamo omulongiskola mo South African Council for Educators  osha hala kutya otaya kanitha olisinisa yawo yoku longa.

Ekuthemo lyaalongiskola molutu ndyoka tali indjipala,osheetitha eipulo lyoshigwana omolwa egameno lyaalongwa mooskola.

Aayeli otaya indile ekeelelo tali longo,omakonakono geendelela negameno lyaalongwa lina oonkondo.