President Netumbo Nandi-Ndaitwah okwa pula ovo vakala metumo vakwafele momayambulepo oshilongo

President Netumbo Nandi-Ndaitwah okwa pula ovo vakala metumo loku kalelapo oshilongo no va a lukila paife moshilongo,   vayambidide omayambulepo oshilongo noku yandja ounongo wavo kwaasho valikola okudja metumo va kalamo.

Dr. Nandi-Ndaitwah edi okwe dipopya pefimbo ta hambelele noku tambulako osheendo shovakalelipo shilongo kwali  vefike po 15,  ovo oikakofimbo yavo  yoku kala metumo yeya pexulilo, konima eshi vakala metumo moilongo younyuni oku kalelapo oshilongo moule womido 5 dadjako.

Metumwalaka lomupresident ta pula ovakalelipo shilongo kwali vakufe ombinga moinyangadalwa keshe oyo ililepo exumokomesho leliko loshilongo noku longifa yoo omaunongo avo oo valikola moku xumifa komesho oshilongo.

Okwati ovatumwa ovo  vamanako oikako fimbo yavo oshoyo ovo vapewa oinakuwanifwa ipe oku ka kalelapo oshilongo,  ovena oinakuwanifwa yafimana moikondo ya yooloka ngaashi ounamapya, omaudano, enghonopaleko lovanyasha, ehongo longushu omadeulo oshoyo okweetapo eemito domaxumokomesho odo tadi yambididwa keedjo doikondo ya fimana ngaashi eemina, eeshi, oyeendifo oku tumbulapo ashike ishona.