Namibia na Bostwana oya shaina omauvathano tsokumwe geli ga hetatu

Epangelo lya Namibia nolya Bostwana metitano oga shaina omatsokumwe geli pu ga 8 miikondo yeliko ya yooloka,taga lalakanene oku nkondopeka uukumwe pokati kiilongo yopaali ,noku yela ekoko lyeliko.

Omatsokumwe ga hetatu ga shainwa kaakalelipo yiilongo yopaali oga kwatelamoa etsokumwe lyomina niikwankondo,elongelokumwe lyoohedhi,uunkulungu ,oohedhi nomadhilongo omape,oodholongo,nomanzulonkalo nelongelokumwe lyuuhaku,uuyuki niilonga, nelongelokumwe lyopolisi nosho tuu.

O Nampa oya lopota kutya omatsokumwe oga shainwa etitano pehulilo lyomutumba guule woshiwike shimwe go 2nd Namibia Bostwana Bi National Commission  ,gwa kuutumbikwa kaapresident yiilongo yopaali.

Omupresident Netumbo Nandi Ndaitwah ta dhenge omuthindo esimano lyomatsokumwe,tega hokolola kutya oga simana ,noga kalelapo ondjila tayi tothamo omatsokumwe niikondo ya simana yoku nawapaleka elongelokumwe pokati kiilongo yopaali,taga lalakanene oku yambulapo noku nkondopeka iigwana yiilongo yopaali.

Mbushe miilonga gwa Bostwana Duma Gideon Boko okwa dhenge wo omuthindo kutya omatsokumwe oga kalelapo elundululo lyopapolitika.