Omupresident Netumbo Nandi Ndaitwah nena okwa tsakanene newiliko lyongundu yo National Democratic Party

Osheendo shongundu osha kwatelwa komeho komupresitend gongundu Lukato Lukato.

Omupresident  Nandi Ndaitwah teendulula kutya epangelo olyeshi talako sha simana, oku konga ethimbo oku tsakanena noongundu adhihe dhoompilameno, oku topola omayele kunkene hwepo taya fala oshigwana komeho.

Ta dhenge omuthindo kutya onga aa Namibia,inaashi tala kekwatathano lyopapolitika,elalakano onkee lili oku humitha komeho oshilongo,nuukalinawa waakwashigwana yasho.

Omupresident okwa kala,nota tsikile okutalako esimano lyoku longela kumwe onga aa Namibia, muuwanawa wa Namibia,shiikwatelela kombelewa yomupresident.

Peha lye Lukato okwa pandula omupresident omolwa ehiyo lyongundu ye okwiikunda iinima yinasha nesimano lyopashigwana, nokumu tumbaleka omolwa ewiliko tali kwatelemo kehe gumwe.