Ewiliko longudu yo NUDO la talelapo omupresident Netumbo Nandi Ndaitwah

President Netumbo Nandi-Ndaitwah onghela okwali eya oku talelewapo keweiliko longudu yo National Unity Democratic Organization (NUDO) peumbo lepangelo .

Etalelepo lewiliko longudu yo NUDO olili oshitopolwa sheenghundafana dovaleli veengudu dopapolitika moshilongo ashishe oku kundafana nepanegelo.

Pefimbo loshongalele omupresident Netumbo Nandi Ndaitwah, okwa yelifa nghene shafimana keengudu adishe dopapolitika deete poshitaafula noku kundafana omaupyakadi akuma oshiwana osho tati oshili mouwa wovanhu aveshe.

President Nandi-Ndaitwah, taulike eudo nawa laye kewiliko longudu yo NUDO eshi va mona omito okweeta omayele oo venapo voo vatale osho tashi dulu oku ningwapo teshi hokolola onga edidiliko lo kulongela kumwe moukumwe noshiwana sha Namibia.

Okwatwa yoo omukumo ewiliko lo NUDO litwikile noku longa noudiinini moukumwe umwe nepangelo opo kuyandjwe omakwafo apumbiwa koshiwana.

Peter Kazongominja, eli omupedu president wongudu yo NUDO, navali  oye ali akwatela komesho osheendo,  okwa ulika olupandu komupresident Nandi Ndaitwah, ta hokolola nghene eshakeno lavo lili lafimana moku kundafana kombinga yomaupyakadi ataalela oshiwana sha Namibia.