Ominista yuuhaku nonkalonawa Dr Esperance Luvindao okwati omulandu guuhaku goshilongo onkee gwa taalela omashongo

Ominista yuuhaku nonkalonawa Dr Esperance Luvindao okwati omulandu guuhaku goshilongo onkee gwa taalela omashongo ngaashi omikithi dhoka hadhi taambathanwa naadhoka ihaadhi tambathanwa

Minister okwali ta popi omandaaha pethimbo lyetamekitho lyo Ministerial Strategic Plan 2025-2030 no Universal Health Coverage policy Document mo Windhoek .

Ta holola iinima ya guma oshikondo shuuhaku ngaashi etopolo lyaanambelewa yuuhaku lyaaha thike pamwe,omwaka mongushu yomayakulo guuhaku,oshowo omainda ngoka giimba oohandimwe yaaha mone omayakulo ga simana.

O Nampa oya lopota kutya nonando pena omashongo ngoka minister okwa nongele kutya omulandu guuhaku woshilongo ogwaadha epondolo liiwetikile muule woomvula.

Omanga o Ministerial Strategic Plan tayi kongo oku kwatela komeho iinyangadhalwa yuuministeli uule woomvula ntano dhili komeho,o UHC Policy oya gandja ethaneko lya yela nomulandu eendithi oku nkondopeka egandjo lyomayakulo guuhaku wongushu kaa Namibia ayehe pwaahena uupyakadhi wopashimaliwa.

Moshipopiwa sha leshha peha lye,o UN Resident Coordinator in Namibia Hopolang Phororo okwa dhenge omuthindo kutya epangelo alike itali vulu okwaadha o Universal Health Coverage.

Tati oonkambadhala dhopamuhanga dha kwatelamo ngaashi aanilonga yuuhaku,oshigwana naanongeki odha pumbiwa okwaadha elalakano ndyoka.