Omupresident gwa Madagascar Andtry Rajoeline okwati okwa tauka oshilongo omolwa uutile womwenyo gwe

Omupresident gwa Madagascar Andtry Rajoeline okwati okwa tauka oshilongo omolwa uutile womwenyo gwe ,sha landula uurebel wetanga lyopakwiita,ashike ina tseyittha tazi miilonga,moshipopiwa shoko TV  komatango gohela,

Ta popi okuziilila pehala inaali hololwa,Rajoelina okwati onkambadhala yaali paveta  oku kwatako oonkondo dhoku lela oyali metifa,nokwa thiminikwa a konge ehala lya gamenwa oku gamena omwenyo gwe.

Omipopyo dhe odheya konima yoowili sho oshikondo shopakwiita sha tseyika CAP-SAT sha wayimine omahololomadhiladhilo moshilongo ashihe,taga pula aze miilonga.

Shika osha landula iiwike yomahololomadhiladhilo taga kwatelwa komeho ko GenZ omolwa ompumbwe yomeya nolusheno.

Olyomakaya aakwiita oya wayimine omahololomadhiladhilo moshilandopangelo,noku indila Rajoeline noominista dhe yaze miilonga.

Ombelewa yomupresident oyati oshipopiwa she osha katekwa sho etanga lyopakwiita lya kambadhala oku kwatako o TV yepangelo.

Oolopota odhuulike kutya omupresident otashi vulika a kuthwamo moshilongo nodhila yetanga lyopakwiita lya France,nonando shika inashi kolekwa.

Rajoelina tiindiile oonkundathana,noku simaneka ekotampango oku potokonona shoka iithana kutya onkalo ya nika oshiponga.