Omuwiliki wongudu yomilameno mo Cameroon Issa Tchiroma, otati oye omufindani womahoololo

Omuwiliki wongudu yo milameno mo Cameroon Issa Tchiroma, okwati oye omufindani moidjemo yomahoololo oyo yaliko moshilongo osho oshondaxa, no kwa pula oo akala omupresident woshilongo efimbo lile Paul Biya,  eshi tambuleko kutya okwa dengwamo.

Oshikundaneki sho Reuters  nena osha lopota kutya Tchiroma , edi okwe dipopila meshangelo laye olo atula kepandja lo Facebook ta pula opo oo ahoololwa koshiwana akale a fimanekwa.

Tchiroma, 76 okwali nale omupopiliko wepangelo no kwali ominister no takutiwa pefimbo loikonga yomahoololo okwali alandulwa koshiwana omayovi no mayovi tavemuyambidida.

Biya, 92, oye omunhu atalika akulupa talele natango mounyuni, no pefimbo lomahoololo okwa kala natango takondjfa opo ahoololwe koshiwana yee elifoleko oshikako oshi 8, konima eshi akala  omupresident woshilongo osho oule womido dili 43 da djako.

Tchiroma  meshangelo laye tayandje olupandu kovahoololi ovo vaninga etokolo lo kweeta elunduluko moshilongo.

Nande ongaho epangelo loshilongo osho ina li yandja natango elombwelo loidjemo yomahoolo no inalityakosha kwaasho tashi popiwa ku Tchiroma, kutya oye omufindani.

Oveta yomahoololo ya Cameroon, oya pitika oidjemo yi pitifwe no kutulikwa poitaashi yomahoololo moshilongo noina fiyo omafiku 26 October,  opo ikale yashiivifa oidjemo pambelewa.