Oo ali nale omu Prime Minister wa Kenya Raila Odinga,  okwamana oweenda waye

Oo ali nale omu Prime Minister wa Kenya Raila Odinga,  okwa mana oweenda waye axulifila moshipangelo shili moshilando  Kochi, India.

Odinga ota kulopotwa axulifa nena omolwo oupyakadi womutima pefimbo elidengapo  ahangwa telififida meni loshipangelo nokwali atutumbwapo noku pewa omakwafo ouhaku ashike osha kolekwa kutya okwa mana oweenda waye.

Omu 80- Odinga okwa kala omunapolitika akula mo Kenya nokwa kala omuprima woshilongo osho okudja mo   2008 fiyo 2013.

Ota kulopotwa adja momuhoko wova Luo,   nokwa ile momutumba wopashiwana oshikando shotete mo 1992, nokwa didilikwa akufa ombinga mefiyafano loupresident 1997, 2007, 2013, 2017 oshoyo 2022, no kwa kala tapopi kutya okwanyokomwa oshikando sha xuuninwa akufile ombinga momahoololo.

Odinga okwali omonamati wao ali tete omutivali president woshilongo nokwa talika eli umwe womo vanapolitika va kala efimbo moshikondo shopolitika mo Kenya.