Otendela yoku nyanyangidhwa oombaapila dhomahogololo geliko mu November oya manithwa

Okomisi yomahogololo -ECN oyati oya manitha otendela yoshikumungu shoku nyanyangidha  nokugandja oombaapila dhomahogololo gomalelo giitopolwa niikandjohogololo geliko mo 26 November nuumvo.

Ta popi kendiki lyepangelo  lyoku topola uuyelele metiyali,omupevikuluntu gomakwatatano mokomisi De Wet Siluka okwati oshikumungu osha manithwa ngaashi shili mo Procurement Act,oshowo mo Commission’s Annual Procurement Plan and Electoral Calendar.

O Nampa oya lopota kutya otendela oya gandjwa ko Uniprint Global,ehangano e South Africa lili mo Durban, kongushu yoodola oomilion 4.9,mwa kwatelwa oku dhi eta moshilongo.

Ehangano otali ka nyanyangidha oombaapila dhomahogololo oomilion 1.82, dhomahogololo gomalelo giitopolwa niikandjohogololo.

Oshikumungu shoku nyanyangidha oombaapila dhomahogololo otashi tameke mo 22 nokwa tegelelwa shi hule okuthika ko 31 Kotoba.

Noombapila okwa tegelelwa dhi thike moshilongo pokati ko 01-02 November.