Israel okwati otiiilongekidha oku egulula uutaagulukilo na Egypt noku pitika aa Palestine yiinyenge moshikandjo,ashike kapena esiku lya tulwapo

 

 

Etseyitho olyeya sho omahilathano taga indjipala pokati ka Israel no Hamas omolwa omapogolo gompangela yoku kodhekapo iikolokosha yeendithwa ku America.

O reuters oya lopota kutya Israel  ota pula o hamas yi galule omidhimba dhookwatwa 28 dhoka dha hulitha pethimbo lyiita,.

O Hamas oyati oya gandja omidhimba dha konda 10,noya pumbwa eshina enene oku kuthamo omidhimba dhilwe dhoka dhili kohi yiinyakwi.

Omanga o  Hamas tayi gandja ombedhi ku Israel oku pogola ompangela,paku dhipaga aa Palestine ya thika 24 okuza metitano,shoka Israel a tindi.

Ompangela yoku kodhekapo iikolokosha,yili oshitopolwa shompangela yombili ya Donald Trump,oya pumbwa wo  o Hamas yi egeke iilwitho,noku hulithapo oonkondo dhawo,shoka sha tindwa kongundu.

Kuyele oshiwike shika,oonkwatwa dhina omwenyo dhili 20 odha mangululwa papingakanitho lyaanadholongo ya Palestine omayovi.

Etanga lyopakwiita lya Israel olyati eenditho na Egypt olili metifa,ashike omakwatho otaga tsikile okuya mo Gaza oku pitila mo Kerem Shalom,kashishi mo Rafah.

Oongundu dhomakwatho odha londodha kutya Gaza otaka taalela oompumbwe,noonkalo dhoondjala nonando pena ompangela yombili.