Mayor gwa Windhoek nogoshilando Berlin oya tsakanene ohela noku inika komilungu

Efano:COW

Ohela Mayor gwa Windhoek Ndeshihafela Larandja okwali a tsakanene na Mayor goshilando Berlin Kai Wegner nosheendo she,yeenda pamwe nomukalelipo shilongo gwa Germany mo Namibia Dr Thorsten Hutter pethimbo ya talelepo oshilando sha Windhoek.

Osheendo sha Berlin osha tsakanene mumwe netyapulo lyoomvula 25 dhuukumwe wo Windhoek Berlin Sister City Partnership,.

Pethimbo lyoshigongi oo Mayor ayehe oya topola uuyelele weyambulepo lyoondoolopa tali kalapo,enkondopeko lyakiintu ,onkatu yonkalo yombepo,nepangelo tali kwatelemo,noku tala kombepo yelongelokumwe pokati ka Windhoek na Berlin.

Major okwa holola oopololeka dhili kohi yuukumwe mbuka,mwa kwatelwa yo CAPTURE Project,ndjoka hayi nkondopeke aalandithi moka ihaaya kondololwa kepangelo ,o Solar Centre ndjoka tayiya,oku yela iikwankondo yopaunshitwe,no Talent Bridge Initiative,shoka tashi lalakanene oku nkondopeka omadheulo gopaungomba noku yamukula kokwaahena iilonga.

Mayor Larandja okwati uuukumwe wa Windhoek na Berlin ouli oshiholelwa shaashoka tashi adhika oku pitila melalakano limwe.

Omanga Mayor Kai Wegner a holola kutya etalelepo lye olya gandja ompito yiilando iyali yi nkondopeke uukumwe wawo noku topola omayele,unene oku pitila moonkundathana naagundjuka pethimbo lyetalelelpo lyawo ko University.