Omupresident gopakathimbo mo Madagascar ota ganithilwa miilonga ongula

Mo Madagascrar,omupangeli omupe gopakwiita Colonel Michael Randrianirina okwati otaka ganithilwa miilonga onga omupresident ongula,sha landula eumbeko lyepangelo koshipundi ehulilo shiwike,ndyoka lya thiminike omupresident Andry Rajoelina a tauke oshilongo.

Randrianirina,kwali komanda mo CAPSAT army Unit okwa tseyitha kutya ompangu yopombanda yopakotampango otayi ka kwatela komeho oshituthi langeko,nokuulika etameko lyaashoka ati o Refoundation of the Republic of Madagscar,

Etanga lyopakwiita olya kuthako oonkondo dhokulela sha landula iiwike yomahololomadhiladhilo ga kwatelwa komeho ko GenZ,omolwa oodhima dholusheno nompumbwe yomeya,nongeyo kepangelo lya Rajoelina.

Aatotiveta  oya kutha omupresident ponkatu ye sho a thigipo oshilongo,ashike Rajoelina okwa tindi okuza miilonga,tati etokolo lyaatotiveta kalili paveta.

Moku yamukula,o AU oya kuthapo uukwashilyo wa Madagascar meendelelo,noku indila oshilongo shi shunwe kepangelo lyoshigwana ,nokuunganeka omahogololo omape.

Onzonkundana yo Africa news oya lopota kutya ta popi niikundaneki nena Randrianirina okwati etokolo lyo AU okwali lya tegelelwa ,tati oonkundathana no AU otadhi ka ningwa methimbo efupi.

Ta koleke kutya etanga lyopakwiita olya halaknitha iiputudhilo ayihe yepangelo,kakele kegumbo lyopashigwana ,noya thaneka okulela oshilongo uule woomvula mbali omanga omahogololo inaaga ningwa