Namibia okwa lopota oshipotha shotango sho Mpox

Uuministeli wuuhaku  nonkalo nawa owati owa pyakudhukwa okuungaunga netukuko lyo Mpox, sho oshilongo sha koleke oshipotha shotango ko Swakopmund moshitopolwa Erongo..

Ominista yuuhaku nonkalo nawa DR Esperence Luvindao okwa tseyitha kutya oshipotha osha kwatakanithwa komalweendo gokongamba moshitopolwa SADC.

Omuvu ngoka iikalekelwa moshipangelo shepangelo sha Swakopmund okwa hokololwa eli monkalo ombwaanawa nota mono etakamitho lyuuhaku.

Minister ta kwashilipaleke oshigwana kutya Namibia okwa pyakudhukwa okuungaunga nomatukuko ngoka gopaulumompumbwe.

Tati omandiki goku ikalekela aavu moshilongo oga pyakudhukwa,nongele otashi vulika oku edhilila mboka taku fekelwa yena iipotha yomikithi dhomikwawu ngaashi o Mpox.

O Mpox oyili omukithi omukwawu hagu taandele okuza miinamwenyo okuya okuya maantu nenge pokati kaantu,hagu etithwa ko virus yo orthopox.

Uuministeli tawiindiile aantu ya kalekepo uuyogoki wokolutu,molwaashoka o Mpox ohayi tandele okupitila miikunguluki yolutu nenge iinima mbyoka yina ombuto.