Israel nena okwati okwa tongolola omudhimba gonkwatwa ndjoka ya gandjwa ku Palestine uusiku wa piti,

Israel nena okwati okwa tongolola omudhimba gonkwatwa ndjoka ya gandjwa ku Palestine uusiku wa piti,omanga omwiikundi kuluntu go Hamas ati ongundu oyiitulamo okutula miilonga ompangela yombili oku hulithapo iita yoomvula mbali.

O AP oya lopota kutya omupevi president gwa America JD Vance okwa tegelelwa moshitopolwa lwanima nena, okutala epondolo lyetulomiilonga lyompangela yombili.

Israel okwa koleke kutya o Hamas oya gandja omudhimba gwa Tal Haimi,omunamimvo 42 ,ngoka a dhipagelwa moshiponokela sho Hamas mu 7 Kotoba 2023.

Kohi yetsokumwe lyompangela yombili,Israel onkee a tegelela o Hamas yi gandje omidhimba dhoonkwatwa dhe 15.

Omidhimba 13 odha gandjwa ku Israel okuza nkene ompangela ya tulilwe miilonga.