O Rossing Uranium oyeendulula eitulemo lyawo oku nawapaleka etakamitho lyuuhaku moshilongo,sho ya gandja obus yaavu yiipundi 54 kuuministeli wuuhaku

Efano:Rossing Uranium

 

Obus otayi ka yakula iipangelo yopaikandjo mo Swakopmund,Omaruru,Usakos,na Karibib ,noku kwathela okututa aavu ya konda 7 500 kehe omumvo okutuminwa kiipangelo yilwe.

Ominista yuuhaku Dr Esperance Luvindao okwati obus ya gandjwa otayi ka pupaleka oshimaliwa hashi longithwa okututa aavu,oku nawapaleka omukalo aavu haya ende moku tutwa,noku yambidhidha oonkambadhala dhili metifa dhoku fala omayakulo guuhaku kiitopolwa.

Luvindao ta tumbaleke o Rossing Uranium omolwa uukumwe tau tsikile, tati otau nkondopeke oonkambadhala dhoshilongo okugandja omayakulo guuhaku kwaayehe.