Aahololimadhiladhilo yo GenZ mo Madagascar oya tindi euliko lya prime minister omupe

Aahololimadhiladhilo oya holola ongeyo nokuuva konayi omolwa euliko lyomunangeshefa Herintsalama Rajaonarivero onga prime minister ,komupresident  Col Michael Randrianirina.

Rajaonarivelo,omunedhina omunene miikwaliko oshowo memona mo Madagascar okuulikwa omandaaha,sho Randrianirina a langekwa onga omupresident, sha landula eumbeko lyepangelo koshipundi.

Randrianirina okwati euliko olyiikolelela kotseyo ya Rajaonarivelo oshowo ekwatathano nomahangano gopashigwana.

Nokwa pingenapo Ruphin Zafisambo ngoka kwali uulikwa komupresident Andry Rajoeline iiwike iyali ya piti.

Ashike aahololimadhiladhilo otaati etokolo olya ningwa inaaya kwatelwamo noye wete yeendiwa kohi .

Omahololomadhiladhilo oga tukuka mu Sept omolwa ompumbwe yomeya nolusheno noku thiminika omupresident a tauke oshilongo.

Momushangwa,aaleli yehololomadhiladhilo oyati itaya pitike omikalo omikulu dhopolitika dhi galuke kohi yepangelo epe.

Taya uvaneke taya tsikile oku iyunganeka ,sigo epangelo epe lya kwatelemo omawi gawo,noku itulamo kelundululo lyashili lyuudemokoli.