O SADC ohela oya tamekitha etumo lyawo lyoku talela omahogololo,oku ka talela omahogololo gopashigwana  mo Tanzania geliko mo 29 omwedhi nguka

Ta popi petamekitho mo Dar Es Salaam,Richard Msowoya,omukuluntu gwetumo lyo SOEM nokwali omupopi gopaalamende ya Malawi ngoka  a kalelapo omunashipundi go  SADC Organ on Politics,Defence and Security Cooperation nomupresitend gwa Malawi Peter Mutharika okwa holola olupandu kepangelo lya Tanzania okuhiya o SADC yi talele omahogololo.

Tati etumo lina aataleli 80 okuza miilyolongo yo SADC 10 otali ka tuminwa kiitopolwa ya yooloka komeho,pethimbo nokonima yomahogololo,mwa kwatelwa pethimbo lyiikonga,esiku lyomahogololo oshowo pethimbo lyeyalulo lyomawi.

Onzonkunadana yo AFP oya lopota kutya Msowoya  okweendulula eitulemo lyo SADC oku nkondopeka uudemokoli moshitopolwa,nokwiindiila aanipambuliko ayehe yopapolitika oku kalekapo ombili nku simaneka oveta pethimbo lyomahogololo.