Omupevi president gwa America JD Vance nena okwa londodha kutya otapa kala omashongo ngele tashiya koku homatekulula o Hamas, noku tungulula oshilando Gaza

Omupevi president gwa America JD Vance nena okwa londodha kutya otapa kala omashongo ngele tashiya koku homatekulula o Hamas, noku tungulula oshilando Gaza ,onga oshitopolwa shompangela yombili yeendithwa ku Israel pokati ka Israel no Hamas.

Tati oyena oshinakugwanitha oshidhigu shili komeho,shoka ati oku homatekulula o Hamas ,ashike okutungulula oshilando Gaza otashi ka nawapaleka oonkalamwenyo dhaa Gaza,noku shilipaleka wo kutya o Hamas kayishi we oshiponga kookuume kawo mo Israel.

Vance okwali ta popi momutumba gwiikundaneki gopamuhanga nomuprime minister gwa Israel Benjamin Netanyahu mo Jerusalem.

Vance okuli mo Israel oku yambidhidha ompangela yombili oshowo oku ikunda oompangela dhoku tungulula oshikandjo konima yiita.

Vance okwa holola omukumo kutya ompangela otayi ka longa.