Aa Ivory Coast otaaka hogolola omupresident molyomakaya

Omanga mo Ivory Coast,aakwashigwana ya tegelela yaka ulike uuthemba wawo wopaudemokoli molyomakaya ,sho omupresident Allassane Ouattara eli pomimvo 83 ta kongo oshikako oshitine mombelewa.

Aatseyinawa oyati Ouattara okwa tegelelwa a sindane omahogololo ,sho aaleli oyendji yoompilameno mwa kwatelwa Tidjane Thiam,yiindiikwa kaaya kuthe ombinga momahogololo.

Ouattara otaka taalela ashike aakondjithi yaana oonkondo,mwa kwatelwa ngoka kwali ominista yiipindi Jean Louis Billon naangoka kwali omunyekadhi omukulu goshilongo Simone Gbagbo.

Aantu yeli poomilion 8.7 oyiishangitha yaka kuthe ombinga momahogololo,ashike opena uutile tawiindjipala.

Omalelo ogiindiike omahololomadhiladhilo,noku mangapo aahololimadhiladhilo oyendji ,noku topolela aanambelewa yegameno ya konda 40 000 moshilongo ashihe.

Onzonkundana yo AP oyati aataleli oyati omahogololo otaga ulike etopolo tali koko pokati kaaleli ya Africa mboka ya lela uulethimbo naakwashigwana yawo aagundjuka mboka ya hala elunduluko.