Ominista yiikwameni yoshilongo oyiindiile aanambelewa yagameno noyoodholongo ya pewe omadheulo ga huma okuungaunga naavu yomapamadhiladhilo

Ominista yiikwameni yoshilongo,omatembu,egameno nepopilo lyoshigwana Lucia Ipumbu okwa yele omadheulo ga huma gaanambelewa yegameno naanambelewa yoodholongo,sho haya ungaunga naanadholongo oyendji yena uukwatya wuundjolowele wopamadhiladhilo.

Ipumbu okwa ningi eindilo mopaalamende metiyali omanga ta kutha ombinga moompata dho Mental health Bill yonuumvo,ndjoka tayi kongo oku pingenapo ndjoka yilipo nale yo Mental health Act yomumvo 1973.

Minister ta fatulula kutya okuza maanadholongo 4 500,o 671 oyena uupyakadhi wundjolowele womapadhiladhilo ,naanambelewa oyena oku longa naantu mboka.

O Nampa oya lopota kutya Ipumbu okwati osho nee ta yele aanambelewa mboka ya pewe omadheulo kunkene yena okuungaunga niipotha yafa mpoka,tati aanambelewa inaya dheulwa okuungaunga naavu.

Minister tiindiile wo enawapaleko lyomandiki guuvu wopamadhiladhilo moshilongo ,oku shilipaleka kutya ogoopalela elalakano lyago.

Tati aavu yomapamadhiladhilo ohaya kala momandiki gamwe naavu yalwe.

Omupopiliko guuministeli wuuhaku Walters Kamaya okwali a lombwele o Nampa kutya epangelo olina ashike omandiki gaali gaavu yopamadhiladhilo oshowo endiki limwe lyomanzulonkalo.