Ongundu yo National Democratic Party-NDP oya tamekitha o manifesto yawo ko Katima Mulilo

Ongundu otayiindiile aakalimo yomoshitopolwa Zambezi yaye molwaalu ogundji yaka hogolole momahogololo gomalelo giitopolwa niikandjohogololo geliko mu Nov 26th.

Omupopiliko gongundu Rasboom Mweemba okwiindiile iilyo yongundu yi hogolole ongundu  yomondjila, ndjoka yili o NDP.

Mwaamba okuli wo omuulikwahogololwa omutiyali momahogololo melelo lyondoolopa ya Katima Mulilo.

O Nampa oya lopola kutya Mweemba okwati ongundu oyina ethaneko yi kuthe ombinga noku kondjela iipundi mo Bukalo Village Council ,oshowo mondoolopa ya Katima Mulilo,oshowo miikandjohogololo iheyali yomiikandjohogololo ihetatu mo Zambezi , inaamu kwatelwa Judea Lyabboloma.

O Manifetso yongundu oya tothamo iipambele ya yooloka ya guma aakalimo pandjele yiikandjohogololo nondoolopa ,nonando kayina ompangela tulomiinga ya ndjandjukununwa.

Nomathaneko oga kwatelamo oku dhimapo iihohela niifuta ayihe yaakalimo,netopolo lyevi  li thike pamwe kaakalimo ayehe, noku tula omavi   pamuthika ,omanga  inaaga gandjwa.

Noyuuuvaneka wo tayi kondjitha epangelo nenge ewiliko pambambo,nokwaahena uuyuki  momalelo goondoolopa,unene mondoolopa ya Katima Mulilo.