Ooskola noo University adhihe mo Mali odha pata uule wiiwike iyali omolwa ompumbwe yomahooli

 

Mo Mali ooskola noo Universties adhihe odha pata uule wiiwike iyali omolwa ompumbwe yomahooloi moshilongo ashihe,yeetithwa kekondeko lya tulwapo koongundu dhuukulo.

Ominista yelongo Amadou Sy Savane okwa tseyitha epato lyooskola ko TV yepangelo,tati oshikele shomahooli osha dhigupalela aalongiskola naalongwa yiinyenge.

O Africa news oya lopota kutya ongundu yuukulo yiimanga ko Al Qaeda yo Jam at Nusrat al Islam wal Muslim oyiindiike okweeta omahooli moshilongo okuza kiishiindalongo kuyele mu Sept,noku thiga oololi omathele dhili ashike koongamba noku guma eliko lyoshilongo.

Ompumbwe oyeetitha omikweyo omile moshilandopangelo Bamako,noku londeka oondando dhiiyendithi niiyakulithi yopetameko.

Epangelo lyopakwiita ndyoka lya kwatako oonkondo dhoku lela mo 2020 otali nyengwa oku kondolola iiponokela yuukulo,nonandi tali yambidhidhwa kaakwiita yowina ya Russia.

Omalelo ogati otaga longo oku shunapo omahooli omanga ootundi inaadhi tameka mo 10 November.