Omushingi wombashikela omukwashiwana wa Zambia amonena oshiponga mo Namibia

Omushingi wokafangufangu eli omukwashiwana woshilongo sha Zambia oo  ta xwaxwameke oikonga youwa welunduluko longhalo yomepo okwa lopotwa amonena oshiponga mo Namibia pefimbo ahangwa molweendo loku shinga okambashikela.

Omushingi wokafangufangu ota kulopotwa amona oshiponga shalandula eshi adengwa koshitekela shadja meloli lunga ee 10 kilometers pondje yOkahadja.

Omushingi wokafangufangu oye Dean Meekson, talombwele oikundaneki kutya eshi adengwa mokwooko osha etififa akanife eenghono no kuwila pedu.

Omushingi wombashikela oo ali pamwe naye nokuli omukwashiwana wa Kenya Enoch Kitheka,  tayelifa nghene osheendifo sheva dilila konima sha ponya tete oku lidenga mu Meekson, no lwanima tashi kapuma ombashikela yaye oyo yafiwa yaningilwa omunyonena.

Kitheka tapopi kutya Meekson,  okwa tutumbilwa koshipangelo oko eli tamono ekwafo louhaku paife.

Meekson opamwe no vashingi vakwao va 2 voumbashikela,  ovafikile mo  Namibia va pitila ko Katima Mulilo konima yoshivike, shili oshitopolwa sho lweendo lavo lo kushinga oumbasikela.

Aveshe va 3 ova hovelele no lweendo lavo lo kushinga oumbasikela mo   15 September, no vashinga oufanguangu oku pitila moilongo ngaashi  Tanzania na Zambia.

Ovati ovena omafaneko oku fika koshilando pangelo ko Windhoek,  omanga ina va kalonda munelomba lomushindi okuya ko Brazil,  oko tava ka kufa ombinga koshongalele shinasha nelunduluko longhalo yomepo koshi yehangano loiwana yahangana (COP30), kwafanekwa shi ka kaleko okudja mo 10-21 November,  tashi kaninngilwa moshilando  Belém.