US apula ovakwashiwana vaye aveshe mo Mali vadjemo meendelelo

Ombelewa youkalelipo shilongo wa US mo  Mali , oya yandja elombwelo ko vakwashiwana aveshe ova America, ovo veli moshilongo osho vadjemo  meendelelo shalandula eshi kwa didilikwa omatilifo taa hapupala enasha  noukulo oshoyo onghalo youpyaadi womahooli oyo ya etififwa kepnokelo laningilwa eetenga domahooli kongudu youkulo.

Omukanda oo wapitifilwa oikundaneki moshilongo osho owati ovakwashiwana ova America, nava longife omalweendo omewangadjo molwashi elongifo loyeendifo yopedu ola talika lili oshiponga eshi oilyo yeengudu doukulo tainingile oiponokela eendjila do pashiwana.

Elombwelo oleya konima ashike yomafiku eli 3 shalandula eshi kwali kwayandjwa natango elombwelo kwaavo ta velidenge olweendo okuya ko Mali,  kutya oshili shanyika , omolwo ominyonena dalundalala oshoyo omakwatepo mbabjona noukulo.

Onakulwa vongudu yo  al-Qaida, vena ekwatafano nongudu yo  Jama’at Nusrat al-Islam wal-Muslimin ile  JNIM, mu September ovali vayandja eshivifo kutya ova kangheka  eetenker domahooli okuuya moshilongo, shili oshitopolwa shoikonga yavo ita va popile etanga lopakwaita olo likwetele komesho oshilongo.

Otakulopotwa ovatwondubonepangelo vatomeka omindilo omatraka edulife 100, nosha etififa omumbwe yomahooli moshilongo.

Otakulopotwa onghalo ya etififa eefikola no iputudilo yomalongo opombada yiidile moshilongo ashishe.