Namibia eshipondola okushunifa oshimaliwa asho ali aindila okudja pondje yoshilongo

Ombaanga yoshilongo (BoN) oye shikoleka ya futako omikuli dayo  odo yali yaindila kovapunguli okudja pondje omido da djako.

Ombaanga oyati omikuli dafutwako odo shimaliwa shee US.dollars 750 million.

Olopota ya pitifilwa oikundaneki okudja ko mbaanga onghela oyati,  Namibia okwa pulile ekwafo lo shimaliwa  sho tete mo 2011, okudja kovapunguli pondje osho shali shifike US.dollars 500 million (tashi tengenekwa noshimaliwa N.dollars 7.5 billion) no ku wedelwako oishoshela yee  5.5 %.

Tapopi pefimbo loshiindingili osho sha shiivifilwa oshiwana kouminsitry woimaliwa,  oo eli ngoloneya wombaanga yoshilongo

Johannes !Gawaxab,  okwati  Namibia okwe shipondola moku shunifako omikuli odo ali ekwete osho tati oshili edidiliko langhene oshilongo shelitulamo moku kwatelapo noukeka eyokomesho leliko loshilongo.

Okwati onghatu yakatukwa oili yoo eenghendabala deyokomesho loku kalekapo engungumano londjele yo pashimaliwa moshilongo.

Omukuli woshimaliwa oo wa indililwe ku Namibia mo 2015,  owatalika wadana onghandangala yafimana mokweetapo omaxumokomesho oshilongo no kweshiyelifa yoo nghene omito yoku ehela omikuli ngaashi oyo yali yalongifwa ku Namibia,  ili hailongifwa koilyolongo oyo ilikonima yeputuko natango ngaashi Namibia.