O Namwater otayi longo omakwathano nominino dha yooloka konooli yoshilongo

 

1.Ehangano lyo Namwater otali tseyithile aayakulwa naanipambuliko epiyaganeko lyomeya lya guma omunino go South east Feeder Pipeline moshitopolwa Oshikoto.

Epato lyomeya olya pulwa kehangano lyo  Lina Jiangxi International,ndyoka tali tula miilonga opololeka yo Ondangwa-Omutsegonime Pipeline Project.

Elalakano oku kwatakanitha ominino omipe komuningo go Namwater kompungulilo ya Ondangwa na Oshali.

Omeya otaga pata mu 4 November okuza potundi onti 09h00 sigo otundi onti 16h00,oowili dhili pu heyali.

Omidhingoloko dha gumwa:Ondoolopa ya Ondangwa,Ondoolopa ya Oniipa,oshikandjohogololo Olukonda,Omuntele,Onayena,Okankolo,Omuthiya,nEengodi,oshowo omidhindoloko adhihe hadhi mono omeya okuza momunino gwa Ondangwa-Omutsegonime.

Ehangano taliindiile aayakulwa ayehe ya gumwa ya pungule omeya ga gwana mesiku ndyoka.

 

2.Ehangano lyo Namwater otali tseyitha epato lyomeya moshitopolwa Oshikoto ,kwaamboka haya mono omeya momunino gwa Omuthiya.

Omushangwa okuza mehangano ogwati elongitho lyomeya olya piitilila okuvula komeya ngoka haga gandjwa komunino ngoka.

Noku yamukula kuupyakadhi mbuka ,noku shilipaleka etopolo lyomeya shili pauyuki noshi thike pamwe,ehangano otali tulapo omalolelo goowili 24 oku pomba omeya ogendji.

Pethimbo mpoka,omeya otaga pombwa uule woowili 24 momunino gumwe omunene okuza momunino gwa Omuthiya,omanga omeya taga patwa kominino dhilwe.

Shika otashi lalakanene oku nawapaleka etondoko lyomeya kaalongithi.

Omunino gwa Akazulu otagu pata mu 5 Nov okuza potundi onti 09h00 sigo otundi onti 9h0 mu 6 Nov.

Omunino gwa Ambende otagu pata mu 06 Nov okuza potundi onti 09h00 sigo omu 7 Nov potundi onti 09h00.

Omunino gwa Omutsegonime otagu pata mu 07 Nov potundi onti 09h00 sigo 8th Nov potundi onti 09h00

Omunino gwa Omuthiya otagu tsikile oku gandja omeya.

Naayakulwa otaya indilwa ya pungule omeya ga wgana noku kwata nawa omeya nuukeka.

3.Ehangano lyo Namwater otali tseyithile aayakulwa naanipambuliko iilonga ko Oshakati Water Treatment plant ya tameke nena tayiyi sigo ongula.

Elalakano oku yambulapo ongushu yomeya noku nawapaleka okulonga kwendiki.

Pethimbo lyiilonga,elongo lyomeya otali kala lya shonopekwa pakathimbo,shoka tashi etitha omeya taga ende kashona nenge taga pata miitopolwa yimwe,

Naayakulwa otaa indilwa ya pungule omeya ga gwana pethimbo lyiilonga.