Swapo otati IPC ota hongaifa oonakulwa tava ningi ehololo madilaadilo

Ongudu yo Swapo,  ota ipopi no ku yandja oushima koilyo yo ngudu yo IPC, kutya oyo ili konima no ku hongaifa oonakulwavakulu,  ovo tava ningi ehololomadiladilo petungo la kula longudu yo Swapo mo Windhoek.

Omukanda wa pitifilwa oikundaneki etine ladileko okudja kwao eli hamushanga womauyelele mongudu yo Swapo  Hilma Nicanor, okwati ehololomadilaadilo loonakulwavakulu peembonge dakula dongudu moshilando, olina enwefemo lo politika, olo ta lilalakanene okweeta etopoko no ku kufapo  oukumwe, pefimbo oshiwana tashi lilongekida oku kakufa ombinga mo mahoololo opaitopolwa no paikandjo oo twa taalela.

Nicanor tapopi kutya ehololo madilaadilo laavo tave luufana kutya oonakulwa ovo vaetelwe moshilongo okudja momufitu mo 1989, oli kwetelwe komesho ku Joseph David Iipinge , K.K Kashile na  Maria Shiwoomwenyo  ovo vashiivika nawa onga oilyo yongudu yo IPC.

Nicanor tayandje omayele kovahololi madilaadilo kutya omaupyakadi enasha no ipambele yoonakulwa naa yandjwe oku pitila momilandu odo dili mondjila douminsitry.

Lwopokati opo oo eli hamushanga wongudu yonakuwavakulu Sacramento Nakanduungile , okwe shiyelifa kutya voo ina vadika eetenda davo peembelewa dakula dongudu yo Swapo , oku ninga oikonga yomahoololo, ndee voo ota vapula ofuto yoshimaliwa shavo shoiwana yahangana UN.

Lwopokati opo oo eli oshilyo shongudu yo IPC meumbo lomutumba wopashiwana  Imms Nashinge,  okwati kena eshiivo ngenge ovo tava ningi ehololo madilaadilo peembelewa dongudu yo Swapo,  oveli oilyo yongudu yo IPC.

Nande ongaho  Nashinge okwa pula yoo ayelifilwe ngenge oku kala oshilyo sho IPC , ota shiimbi oo handimwe va mone omauwa avo oo vanuninwa onga oonakulwa, ta popi kutya oshikumungu shoonakulwa tava pula oinima yavo kashifi oshinima shipe.