Okomisi yomahogololo moshilongo o ECN otayi shi enditha nawa oku longekidha omahogololo gonuumvo gomalelo giitopolwa niikandjohogololo ngoka geliko mo 26

Omukuluntu gomahogololo Peter Shaama okwa koleke ko Nampa kutya okomisi oyaadha epondolo olindji oku tula okalindeli komahogololo miilonga ,noombaapila dhomahogololo dha thiki ohela.

Momutumba gwiikundaneki ohela,Shaama okwati oya yakula oombaapila dhomahogololo dhili omilion 1.18 dhomahogololo gomalelo goondoolopa no 920 400 dhomahogololo giikandjohogololo.

Ombaapila odha nyanyangidhwa kehangano lya South Africa lyo Uniprint Global kongushu yoodola oomilion 4.9.

Shaama ta gwedhako wo kutya iinyangadhalwa ya landulako omwa kwatelwa oku topola iilongitho yomahogololo okutameka metiyali sigo 17 November ,omadheulo gaanambelewa yomahogololo pokati ka 7-15 November,noku tuma oospan dhomahogololo okuza mo 23-25 November.

Tati oyiitulamo oku ninga omahogololo ga manguluka,geli pauyuki nogeshi okwiinekelwa,noku indila aanipambuliko yomahogololo ya dhange onkandangala okuyela oshikumungu shuudemokoli.