Omunyekadhi omukulu goshilongo nokuli omutotipo go One Economy Foundation ,Monica Geingos ,okwa holola okuvula komiti dho HIV dhoka dhina oshilanduli shuulethimbo ,oku lundulula oonkambadhala keelelo mo Namibia,unene mokati kaakiintu aagundjuka mboka yeli moshiponga shoku kwatwa kombuto

Tati oyena ngaashingeyi omiti dhoka dhina iilanduli yuulethimbo,dhoka tadhi vulu oku lundulula eyamukulo lyo HIV,ashike iilongo oyindji yiiyemo yili pevi noyopokati oyina ompito onshona nenge yaana ompito yoku mona omiti dhoka.

O Nampa oya lopota kutya Geingos okwali ta popi ohela petamekitho lyolopota yo  Global Council on Inequality, AIDS and Pandemics, kohi yehuku ‘Breaking the Inequality-Pandemic Cycle: Building True Health Security in a Global Age’.

Ta kutha ombinga moonkundathana paungomba, petamekitho lya ningilwa mo Johannesburg,Geingos okwa holola kutya nonando omapondolo gopaungomba nogopau tekinika ga dhidhilikwa,omapondolo oga taalela endopo.

Ta holola kutya omainda guuthemba wopaveta mboka hau gamene omanenedhiladhilo goohandimwe nenge iilonga yawo yaaha longithwe pwaahena epitikilo ,noku vula koku nduluka inaaku gwana ,otayi tsikile okweetitha uuteginology womikithi wu kale inaawu gwanena oompumbwe dhaamboka wewu pumbwa noonkondo.

Oonkundathana okwali dha kuthwa ombinga kaanongo okuza kiilongo ya yooloka.