Uuministeli wiipambele yopashigwana niipindi ,nuuministeli wiikwa fabrika,oomina niikwankondo ohela okwali wa ningi oshigongi noshigwana shoongeshefa kOmuthiya moshitopolwa Oshikoto

 

Uuministeli wiipambele yopashigwana niipindi ,nuuministeli wiikwa fabrika,oomina niikwankondo ohela okwali wa ningi oshigongi noshigwana shoongeshefa kOmuthiya moshitopolwa Oshikoto oku yela ekuthombinga lya Namibia momalandithilo go Africa Continental Free Trade area.

Oshigongi oshili ompito yoonkundathana dhuukilila pokati kaanambelewa yepangelo noshikondo shopaumwene,nokwali dha lalakanene euveko nomashongo ga taalela oshigwana shoongeshefa,oku tothamo oompito dhoku tumina iilongomwa nomayakulo pondje yoshilongo,noku thikitha pamwe omilandu nomalalakano goku ndjekapo ekuthombinga lya Namibia momalandithilo gopashitopolwa.

Ominista yiipindi Selma Ashipala Musvayi okwati oonkundathana kadhishi ashike oku tseyithilwa omashongo,ashike noku tothamo oompito dhoka dha kala ihaadhi talika.

Ngoloneya gwa Oshikoto Sacky Kathindi okwati oonkundathana okwali dhili ompito yelongelokumwe pokati kiikondo yopaumwene noyepangelo yi lundululile omanenedhiladhilo monkatu.