O African Union oyati omahogololo mo Tanzania okwali ga taalela okwaahalonga nuuyuki

Aataleli yomahogololo yo African Union komatango gohela oyati uuyinekelwa womahogololo ga Tanzania ngoka opo ga hulu otau nyikwanyikwa,noku holola iiningwanima yuukengeleledhi woombaapila dhomahogololo kiitasi ya yooloka yomahogololo.

Omupresident Samia Suluhu Hassan okwa sindana omahogololo ga ningwa mo 29 Kotoba noo % 98 dhomawi,shiikwatelela kokomisi yomahogololo,ashike oongundu dhoompilameno odhiindiikwa dhaaha kuthe ombinga momahogololo,nodhati omahogololo oga kengelelwa.

Omahololomadhiladhilo oga tukuka moshilongo ashihe mesiku lyomahogololo.

Onzonkundana yo AFP oya lopota kutya epangelo olya yamukula noku tetako o internet noku indika iiyenditho yoshigwana ,noompilameno dhati aantu omathele oya dhipagwa kaakwiita yegameno,nonando oku mona uuyelele wa kolekwa oshidhigu ,nonando oondjindikila dha kuthwapo.

Etumo lyo AU Election Observation Mission olyati aataleli oya mona nkene aahogololi taya pewa oombaapila dhoku hogolola odhindji,nayamwe ya pitikwa ya hogolole omanga uukwatya wawo waamo momusholondondo gwaahogololi.