O National Planning Commission nookuume komayambulepo oyuuvaneke eitulemo epe oku kondjtha okwaahena iilonga mokati kaagundjuka,eshongo lya guma hanga oshititatu shaagundjuka moshilongo

Ta popi momutumba gonuumvo go Development Partners Forum mo Windhoek,omukalelipo gwiigwana ya hangana mo Namibia Hopolang Phororo okwa dhenge omuthindo esimano lyoku kwatelamo aagundjuka moonkambadhala dheyambulepo lyopashigwana.

Omutumba gwa ningwa kohi yehuku:Oku nkondopeka onakuyiwa ya Namibia paku kondjitha okwaahena iilonga mokati kaagundjuka pamwe,ogweeta pamwe aakalelipo okuza mepangelo,omahangano goshigwana,oshikondo shopaumwene nomahangano gopashigwana.

Omukuluntu wiliki go NPC Kaire Mbuende okwa holola ondjungu yoku yamukula kokwaahena iilonga mokati kaagundjuka ,hoka ati okwa thikama poo % 24.

Omumbelewa omukuluntu mo NPC Ben Nashandi  okweendulula esimano lyelongelokumwe,ta holola kutya omutumba otagu longo onga ontopa pokati komulandu netulomiilonga.

Pethimbo lyomutumba opweetwa wo ethaneko lyo Development Partners Coordination Platform on Employment, tayi lalakanene okuthikitha pamwe oonkambadhala noku nongonona epondolo kohi yo National Development Plan onti 6th.