Okomisi yoku kondjitha iimbuluma oya mangapo aanambelewa yaali okuza moshikondo shelongo moshitopolwa Erongo metitatu

Okomisi yoku kondjitha iimbuluma oya mangapo aanambelewa yaali okuza moshikondo shelongo moshitopolwa Erongo metitatu ,omolwa omikalo dhuukengeleledhi dha kwatelamo oku fundjaleka uuyelele okweenditha etaambo ko University

Aafekelwa oyo Natalia Guriras,omupevi kuluntu guuministeli moshitopolwa,nomweendithi gomihandjo Betty Somses.

Omushangwa gokomisi gohela ogwati emangepo olya landula omakonakono menyenyeto kutya aanambelewa oya gandja uuyelele wiifundja koshiputudhilo sho UNAM opo omunambelewa go administrative officer a taambelwe mopolohalama yomadheulo ya nuninwa aalongiskola inaaya dheulwa.

Ngoka a gandja uuyelele meholamo okwati mo 2018 oshikondo okupitila mombelewa ya Guriras onga o deputy Director of Programmes and Quality Assuarance ,piifundja ,oyuulike kutya Somses okwa kutwa onga omulongiskola koskola ndjoka yaahepo,o Daleen Pre Primary,opo a vule oku taambelewa mopolohalama yo Diploma in Junior Primary Education.

Opolohalama tayi futwa kuuministeli ,oya nuninwa aalongiskola mboka taya longo yaahena uulongelwe.

Aafekelwa ayehe oya pewa o bail yoodola 10 000,noshipotha shawo oshuundulilwa ko 24 August 2026.