Zambia aninga oshilongo oshi 2 mu Africa ,oku longifa ovenda ipe yotunila yepango lo HIV

Epangelo la Zambia,  ola dimina elongifo lovenda ipe yo  Lenacapavir, ovenda oyo taika yandja ekwafo kovanhu ta valumbu noudu wo mbuto yo HIV noveli kepango lo ARV.

Ediminino la Zambia, oku longifa ovenda ayo ola talika lili eenghendabala domupondo oku kondjifa oudu wo  HIV/AIDS moshilongo.

Minister wouhaku moshilongo   Elijah Muchima, metitano ladjako okwati etulomoilonga lovenda ayo,  olili edidiliko langhene epangelo lelitulamo moku xulifapo oudu wombuto yo HIV mokati koshiwana okufika ko 2030.

Ovenda ota kulopotwa taikala haiyandjwa alushe konima yeehani 6 koonakuningwa oshihakanwa shoudu wombuto yo HIV.

Muchima, tapopi nghene etulomoilonga lomuti oo la tula  Zambia,  ponghatu oni 2 yoilongo ya Africa oyo tailongifa omuti oo alandula  South Africa.

Okwati omuti upe ota ukayandja ekwafo kovanhu oohandimwe ovo havanhu omiti davo efiku keshe moku xwopopaleka eenghalamwenyo davo, koomeme velihumbata oshoyo ovo tavanyamifa.

Okwati ovenda ota i kakala noku yandjwa oshali moipangelo yepangelo kovakwashiwana aveshe va  Zambia.