aakiintu yiihumbata ya konda 2 000 oya tauka oshilando el Fasher sha Sudan ,taya fadhukapo omalugodhi

Iigwana ya hangana oyati aakiintu yiihumbata ya konda 2 000 oya tauka oshilando El -Fasher sha Sudan,taya fadhukapo omalugodhi omapyu pokati ketanga lyopakwiita nongundu yo Rapid Support Forces.

Oyendji oya taalela omalweendo ga nika oshiponga yaahena iikulya,omeya nenge etakamitho lyuuhaku.

Onzonkundana yo AP oya lopota kutya kookamba dhaamboka ya tululwa mo al-Dabban nomo  Tawila,aanilonga yuuhaku otaya lopota iipotha yomatompakano omanene ,mwa kwatelwa aakintu taya kanitha omategelelo,sho oo % 80 dhomandiki guuhaku momahala gena iikolokosha itaaga longo.

Oshiponokela shingaashingeyi sho RSF mo el Fasher osha kwatelamo oshiponokela ko Saudi Maternity Hospital,noku thiga aakiintu yiihumbata ya konda 6 000 yaahena etakamitho lyoku hupitha oomwenyo.

Omahangano gomakwatho oga londodha kutya oohanana nooyina otaya thiki yena omanyutu, noya taalela oonkalo dhaaheli nawa,sho oshikele sha Sudan tashiindjipala.

Iita oya dhipaga aantu ya konda 40 000 noku tululula ya konda poomilion 12.