Oshikako sha ngoloneya go bank of Namibia Johannes !Qawaxab osheya pehulilo

Ngoloneya go Bank of Namibia Johannes !Qawaxab okwa tegelelwa a thigepo ombaanga mo 31 December nuumvo.

Momushangwa gwiikundaneki okuza mombaanga nena,ewiliko lyopombanda lyombaanga olyati !Qawaxab ngoka eli ngoloneya go Bank of Namibia omuti 6th ,okwa yakula oshiputudhilo neitulemo uule woomvula ntano netata,okuza sho a wayimine oshiputudhilo mu 01 June 2020.

Pethimbo lyoshikako she ,ewiliko lyombanga olyati,!Qawaxab okweetamo omalundululo giiwetikile,nopethimbo lyo COVID 19 okwa dhana onkandangala ya simana oku gamena eliko lyaanamagumbo,lyoongeshefa oshowo eliko alihe.

Na omolwa ewiliko lye,oshilongo osheshi pondola wo oku shunitha omukuli gwasho goodola oomilion dha America 750 mu October gonuumvo ,pakuudha nopethimbo.

Ewiliko lyombaanga tali pandula !Qawaxab omolwa eitulemo lye neyakulo lyoshiholelwa oshaanawa.

Nokumu halela ompolo monakuyiwa ye,tali gwedhako kutya onkee lina omukumo kutya omakuthombinga ge otaga tsikile oku gandja uuwanawa ku Namibia naantu ye uule woomvula dhili komeho.