Oshikonga oshinene sha kwatelwa komeho ko Interpol muutokelo wa Africa osheetitha omamangepo 62 noku kwatako iilwitho,iitopitha,iingangamithi,niiyenditho ya yakwa

Oshikonga tashiithanwa Screen West Africa 2025 osha tameke mu July sigo Kotoba nuumvo ,miilongo 12 mwa kwatelwa Ghana,Nigeria Ivory Coast na Burkina faso.

Onzonkundana yo Africa news no Interpol oyati aanambelewa oya ningi omanongonono gopethimbo ndyoka ga konda poomilion 1.7 koongamba,taya longitha omilandu dhopauyuni dho Interpol.

Aafekelwa 9 oya mangwapo omolwa ekwatathano lyuukulo,yatatu yomuyo mo Burkina Faso ,yiimanga kongundu yo al qaeda yo JNIM,yenamo ombinga moshiponokela oshidhipagi mo 2020 mo Cote d’ivoire.

Oshikonga osha hupitha wo iihakanwa yoku ndjondjwa 21 ,yali yeedhililwa mo Nigeria .

Omalelo oga gwatako wo iitopitha,iiyenditho ya yakwa 136,oo Kg omathele dho Cannabis,omiti dhaahena epitikilo,iimaliwa yiifundja oshowo omikanda dhuukengeleledhi.

O Interpol oyati  epondolo lyoshikonga olya holola oonkondo dhelongelokumwe lyopashitopolwa oku piyaganeka omalyenge giimbuluma guunganekwa.