Iiponokela ya Israel  muumbangalantu wa Gaza oya dhipaga aantu yeli yane noku ehameka 18 mo Khan Younis

Iiponokela ya Israel  muumbangalantu wa Gaza oya dhipaga aantu yeli yane noku ehameka 18 mo Khan Younis ,sho o Hamas na Israel ayehe taya ipe ombedhi oku pogola ompangela yombili yiiwike hanga 6 yeendithwa ku America.

Oshiponokela shimwe osha dhenge egumbo mo Bani Suhaila noku dhipaga ohanana mokati kiihakanwa itatu,noku ehameka 15,omanga shimwe mo Abassan sha dhipaga omulumentu noku ehameka yatatu.

Onzonkundana yo Reuters oya lopota kutya Israel okwa koleke iiponokela ,ashike ina lopota omaso.

Okuza mmompangela yombili mo 10 Kotoba,omakuyunguto oga shonopala ,ashike inaga mwenapo,nomalelo ga Palestine ga lopota omaso 312 okuza miiponokela ya Israel mo Gaza,netata ga lopotwa mesiku limwe oshiwike sha piti.

O Hamas na Israel otaya tsikile okuyiidhoka nonando osho omakwatho taga falwa moshikandjo.

Iikolokosha oya tameke mu 7 Kotoba 2023 sho oshiponokela sho Hamas sha dhipaga aantu 1200 mo Israel,noku etitha eyamukulo lya Israel,ndyoka lya faalela oomwenyo dhaa Palestine ya konda 69 000,unene aakwashigwana,shiikwatelela komiyalu dhuuministeli wuuhaku wa Gaza.